Ποίημα
ΣΟΦΟΚΛΕΟΥΣ Δ. ΚΑΛΟΥΤΣΗ
Προοίμιον ή Κουκούλιον. Ήχος Πλάγιος του τετάρτου.
Τη Υπερμάχω.
Τη των Κυθήρων Πολιούχω και Προστάτιδι Δεύτε τον
Ύμνον Κυθηραίοι, αναμέλψωμεν, Την Εικόνα προσκυνούντες Αυτής εν πίστει, Ήν
μυρσίναις κεκρυμμένην απεκάλυψε Ευλογίαν δι’ αυτής αεί παρέχουσα Τοις
κραυγάζουσι˙ Χαίρε Άχραντε Δέσποινα.
Οι Οίκοι.
Ακροστιχίς κατ’ Αλφάβητον.
Άγγελοι Ουρανόθεν, Κυθηραίων τε πλήθη, υμνούμέν Σε
Παρθένε Μαρία˙ συμπάσης γαρ ανάσσουσα γης, και των Ουρανίων την σεπτήν δέδωκας,
Εικόνα Σου ημίν ως εξ ευνοίας, Σοι βοώμεν όθεν˙
Χαίρε των πάντων ελπίς γλυκεία
Χαίρε του κόσμου παντός Κυρία.
Χαίρε Ορθοδόξων το έξοχον σέμνωμα
Χαίρε Κυθηραίων το θείον ωράϊσμα.
Χαίρε ότι τους φιλούντάς Σε ανυψοίς προς Ουρανόν
Χαίρε ότι τους υμνούντας Σε εκλυτρούσαι των δεινών.
Χαίρε των Κυθηραίων κραταιά προστασία
Χαίρε η των ενθέων δωρεών αφθονία.
Χαίρε πηγή θαυμάτων ακένωτος
Χαίρε πληγή δαιμόνων ανίατος.
Χαίρε αράς παντελής εξορία
Χαίρε χαράς αϊδίου αιτία˙
Χαίρε Άχραντε Δέσποινα.
Βάσιν σχούσά Σε θείαν, και θεμέλιον όντως, υμνεί Σε
Κυθηραίων η Νήσος˙ και εδραζομένη ασφαλώς, πάντα φεύγει σάλον, και στερρώς
Δέσποινα, την Πίστιν την Ορθόδοξον κατέχουσα, Κυρίω μέλπει˙
Αλληλούϊα.
Γέρας Νήσω Κυθήρων, την σεπτήν Σου Εικόνα, δεδώρησαι
της θεοσεβείας κοσμουμένη γαρ ταύτη Σου, της ευνοίας όντως εμφανώς έτυχε,
διόπερ χαριστήρια, εφύμνια κροτεί Σοι ταύτα˙
Χαίρε το γέρας της ευσεβείας
Χαίρε το ξίφος της ασεβείας.
Χαίρε Πολιούχε της Νήσου και καύχημα
Χαίρε Κυθηραίων πιστών το κραταίωμα.
Χαίρε τείχος και οχύρωμα κατ’ εχθρών των αισθητών
Χαίρε κράτος και στερέωμα κατ’ εχθρών των νοητών.
Χαίρε το της ευνοίας εμφανέστατον δείγμα
Χαίρε το της Προνοίας παντεπίσκοπον όμμα.
Χαίρε λαβίς τα χείλη καθαίρουσα
Χαίρε ασπίς κινδύνων εξαίρουσα.
Χαίρε σανίς ψυχικής σωτηρίας
Χαίρε ρανίς Θεϊκής ευσπλαγχνίας˙
Χαίρε Άχραντε Δέσποινα.
Δύναμις την εξ ύψους, ενεδύθημεν όντως, Εικόνος Σου
εν τη φανερώσει˙ ήν ως όπλον κατέχοντες νυν, δι’ αυτής τροπούμεθα εχθρόν
άπαντα, ορώμενον συν πάσιν αοράτοις, τω Θεώ βοώντες˙
Αλληλούϊα.
Έγνω την παρουσίαν, της Σεπτής Σου Εικόνος, το
τόποις εν ερήμοις ποιμαίνων˙ ηξιώθη γαρ θείας φωνής, και φυτώ μυρσίνης ερευνώ
εύρατο, την άχραντον Εικόνα Σου, διο Σοι εκ ψυχής εβόα˙
Χαίρε το βάθος Θεού κριμάτων
Χαίρε το ύψος Χριστού δογμάτων.
Χαίρε αδοξίας της πρώην εξάλειψις
Χαίρε θείας δόξης τη Νήσω επίσκεψις.
Χαίρε ότι την Εικόνα Σου εν μυρσίναις φανεροίς
Χαίρε ότι χάριν άφθονον αναβλύζεις εξ αυτής.
Χαίρε Συ γαρ υπάρχεις Κυθηραίων το κλέος
Χαίρε Συ γαρ εί σκότους και δαιμόνων το δέος.
Χαίρε σφραγίς της θείας χρηστότητος
Χαίρε ακτίς ενθέου λαμπρότητος.
Χαίρε Θεού ευμενής ευδοκία
Χαίρε λαού ευλαβούς προστασία˙
Χαίρε Άχραντε Δέσποινα.
Ζάλην πάσαν του κόσμου, των γηΐνων φυγόντες,
προσδράμωμεν Ναώ Μυρτιδίων˙ και προς την Εικόνα την σεπτήν, ατενίζοντες την
ψυχικήν εύρωμεν, γαλήνην υπερκόσμιον, ειρήνην τε Θεού βοώντες˙
Αλληλούϊα.
Ήγειρας παραδόξως, τον εν έτεσι πλείστοις, παράλυτον
Παρθένε Μαρία˙ εν κραββάτω γαρ ηπλωμένος, προ της Σης Εικόνος εν θερμοίς
δάκρυσι, την θεραπείαν ένδακρυς εζήτει, ής τυχών εβόα˙
Χαίρε κλεινή παραλύτων ρώσις
Χαίρε δεινή των απίστων πτώσις.
Χαίρε η αρρήτως παράλυσιν λύσασα
Χαίρε η αφράστως υγείαν βραβεύσασα.
Χαίρε ότι πριν παράλυτος ώσπερ έλαφος σκιρτά
Χαίρε ότι το τεράστιον πάσι χαίρων εκβοά.
Χαίρε αμαρτημάτων ιλαστήριον θείον
Χαίρε των ιαμάτων υπερπλήρες ταμείον.
Χαίρε Χριστού θαυμάτων συνέχεια
Χαίρε Θεού κριμάτων σαφήνεια.
Χαίρε πηγών Σιλωάμ ανωτέρα
Χαίρε Νοών νοερών υπερτέρα˙
Χαίρε Άχραντε Δέσποινα.
Θαυμαστώς εν τη ξένη, ελυτρώσω ικέτην, εγγύθεν
πυροβόλω βληθέντα˙ και γαρ γέγονε τούτω ασπίς, η σεπτή Σου κλήσις παρ’ αυτού
Δέσποινα, φωνήσας γαρ Σον όνομα, εσώθη τω Θεώ κραυγάζων˙
Αλληλούϊα.
Ίνα δείξης τη Νήσω, Κυθηραίων Παρθένε, την άβυσσον
της Σης συμπαθείας, πειρατών προσβολής θαυμαστώς, απεκρούσω ταύτην ασινή
σώζουσα, διόπερ κατά χρέος, ανυμνεί Σε εκβοώσα ταύτα˙
Χαίρε το τείχος κατά βαρβάρων
Χαίρε το νίκος κατ’ εναντίων.
Χαίρε πειρατών η οξεία αντίπαλος
Χαίρε Κυθηραίων η θεία υπέρμαχος.
Χαίρε Τούρκων διασώσασα Νήσον πάσης προσβολής
Χαίρε ταύτην απαλλάξασα πειρατών της απειλής.
Χαίρε η των βαρβάρων την ορμήν καταργούσα
Χαίρε η των απίστων την οφρύν καθαιρούσα.
Χαίρε λαών πιστών η ανόρθωσις
Χαίρε ορδών βαρβάρων βαράθρωσις.
Χαίρε αγνή Ορθοδόξων το κλέος
Χαίρε σεμνή των απίστων το δέος˙
Χαίρε Άχραντε Δέσποινα.
Κήρυξ του θαύματός Σου, ο τρισίν επί χρόνοις,
τρυχόμενος τη νευρασθενεία, εγεγόνει ίασιν ευρών, εν τω Μυρτιδίων ιερώ Οίκω
Σου, ανύμνει δε δακρύων Σε Παρθένε, και Κυρίω ψάλλων˙
Αλληλούϊα.
Λαίλαπος ελυτώσω, και κινδύνων θαλάσσης, προς όρμον
θαυμαστώς αγαγούσα, Μυρτιδίων ικέτας
πιστούς, Σου θερμώς αιτούντας αρωγήν Δέσποινα, Ναώ Σου δ’ έν αγίω, ανύμνουν Σε
βοώντες ούτω˙
Χαίρε αστήρ των θαλαττευόντων
Χαίρε λαμπτήρ των ποντοπορούντων.
Χαίρε των ανέμων οργήν καταπαύουσα
Χαίρε των κυμάτων ορμήν γαληνεύουσα.
Χαίρε πάντα γαρ υπείκουσι τη φρικτή Σου προσταγή
Χαίρε Σοι γαρ υποτέτακται πάσα θάλασσα και γη.
Χαίρε των εν θαλάσση οδηγός και προστάτις
Χαίρε των εν πελάγει ασφαλής Κυβερνήτις.
Χαίρε ναυτών ο όρμος ο εύδιος
Χαίρε πιστών λιμήν ο αχείμαστος.
Χαίρε πυξίς εν πελάγει του βίου
Χαίρε ακτίς εκ φωτός Ουρανίου˙
Χαίρε Άχραντε Δέσποινα.
Μέλαιναν σεβασμίαν, εν Εικόνι μορφήν Σου, πολλάκις
θαυμαστώς εμφανίζεις, εν ετέρα μορφή ιλαρά, μεταμορφουμένη εμφανώς Δέσποινα,
διόπερ οι ορώντές Σου το θαύμα, εκ ψυχής βοώσιν˙
Αλληλούϊα.
Νόσον όλως ιάσαι, του σφοδρώς ασθενούντος, δεινή
αποπληξία ικέτου˙ τη πανδήμω δεήσει λαού, επικαμπτομένη και θερμοίς δάκρυσι,
μέγιστον θαύμα δείξασα, διόπερ παρ’ ημών ακούεις˙
Χαίρε η λύσις αποπληξίας
Χαίρε η βρύσις της ευσπλαγχνίας.
Χαίρε την υγείαν αρρήτως βραβεύουσα
Χαίρε ευρωστίαν αφράστως παρέχουσα.
Χαίρε κλίνης ανορθώσασα θαυμαστώς ημιθανή
Χαίρε δέησιν βραβεύσασα του λαού γονυκλινή.
Χαίρε πυρ το ξηραίνον ποταμούς των δακρύων
Χαίερ ύδωρ το ρέον εκ πηγών σωτηρίων.
Χαίρε αγνή νοσούντων αντίληψις
Χαίρε σεμνή πενθούντων παράκλησις.
Χαίρε ελπίς ασθενούντων βεβαία
Χαίρε εξ ής πάντα ρει τα ηδέα˙
Χαίρε Άχραντε Δέσποινα.
Ζέσας άπιστος όψιν, της σεπτής Σου Εικόνος, δακτύλω
παρευθύς δίκας τίει˙ ασεβήσας γαρ Σοι τη Θεού Μητρί, τη τε αιμορροία και δεινώ
τραύματι, κολάζεται δικαίως, μετανοία συσχεθείς δε κράζει˙
Αλληλούϊα.
Όλβον Νήσω Κυθήρων, αναφαίρετον όντως, ορώμεν την
σεπτήν Σου Εικόνα˙ λιτανεύοντες γαρ υετούς, ανομβρίας αυχμού εν ακμή Δέσποινα,
λαμβάνομεν και ταύτην προσκυνούντες, Σοι θερμώς βοώμεν˙
Χαίρε η λήξις της ανομβρίας
Χαίρε η παύσις της λειψυδρίας.
Χαίρε υετόν δαψιλή καταπέμπουσα
Χαίρε ουρανόθεν την γην η δροσίζουσα.
Χαίρε τέλεια δωρήματα επομβρίζουσα πιστοίς
Χαίρε πίστεως αιτήματα υετίζουσα βροτοίς.
Χαίρε η πάσαν λύπην των ανθρώπων σβεννύσα
Χαίρε η θείαν δρόσον Κυθηραίοις διδούσα.
Χαίρε αγνή θαυμάτων το πέλαγος
Χαίρε σεμνή ελέους η άβυσσος.
Χαίρε φαιδρά ομβροφόρε Νεφέλη
Χαίρε λαμπρά δωρημάτων κυψέλη˙
Χαίρε Άχραντε Δέσποινα.
Παίδα σώζεις Παρθένε, τον υψόθεν πεσόντα, εν Πόλει
Σου τραχείς επί λίθους˙ Σον γαρ όνομα κράξας πιστώς, και εν γην ακήμων ευρεθείς
Δέσποινα, το θαύμα κατεπλάγη Σου, διόπερ Σοι χαρμονικώς κραυγάζει˙
Αλληλούϊα.
Ρεύμασιν αειρύτοις, κατακλύζεις Παρθένε, την Νήσον
υπέρ φύσιν θαυμάτων, κεραυνών χαλινούσα ορμάς, και της τούτων λύπης αβλαβές
σώζουσα, το Φρούριον αυτού τε τους οικήτορας, προς Σε βοώντας˙
Χαίρε φωτός Ουρανίου δόσις
Χαίρε πυρός κεραυνείου σβέσις.
Χαίρε κεραυνών την μανίαν πεδήσασα
Χαίρε η αυτών την ορμήν χαλινώσασα.
Χαίρε Φρούριον τηρήσασα Κυθηραίων ασινές
Χαίρε πυρ η αποδείξασα το παμφάγον αβλαβές.
Χαίρε η της θυέλλης την μανίαν σβεννύσα
Χαίρε η των στοιχείων την οργήν καταργούσα.
Χαίρε Σοι γαρ υπείκουσιν άψυχα
Χαίρε Σοι γαρ δουλεύουσιν έμψυχα.
Χαίρε αγνή των στοιχείων γαλήνη
Χαίρε σεμνή των ανθρώπων ειρήνη˙
Χαίρε Άχραντε Δέσποινα.
Σώζεις Κόρη φανείσα, Σω ικέτη κατ’ όναρ, του πάθους
δεινοτάτης μανίας˙ και γαρ αφυπνίσθη σωφρονών, και προ της Εικόνος Σου χαράς
έμπλεως, εκήρυττε το θαύμά Σου δακρύων, και Κυρίω άδων˙
Αλληλούϊα.
Τείχος ει Κυθηραίων, Θεοτόκε Παρθένε, αντίληψις και
δόξα και σκέπη˙ και γαρ την Σην Εικόνα Σεμνή, μυρσινών εν μέσω θαυμαστώς
εύρατο, η Νήσός Σου και μύρων Σου,
πεπλήρωται Σοι πιστώς βοώσα˙
Χαίρε αέρων η ευκρασία
Χαίρε Κυθήρων η προστασία.
Χαίρε αγιότητος θείον θυμίαμα
Χαίρε της αγνότητος ένθεον άρωμα.
Χαίρε πόας χαριτώσασα υπερφυώς μυρσινών
Χαίρε σύμβολον η φέρουσα των μυρσινών το φυτόν.
Χαίρε η Κυθηραίους των Σων μύρων πληρούσα
Χαίρε η την Σην Νήσον υπερμέτρως φιλούσα.
Χαίρε αιχμή τα πάθη διώκουσα
Χαίρε οσμή τους πάντας ευφραίνουσα.
Χαίρε ροή αγιότητος μύρου
Χαίρε πηγή ευσπλαγχνίας απείρου˙
Χαίρε Άχραντε Δέσποινα.
Ύμνησέ Σου το θαύμα, ο φυγών του θανάτου, απόφασιν
τη Ση μεσιτεία˙ εν ονείρω γαρ Σε είδε σαφώς, διαλεγομένην Δικαστή Δέσποινα,
ευθέως αφυπνώσας δε, ευρέθη υγιής, Κυρίω ψάλλων˙
Αλληλούϊα.
Φαεινόν ως αστέρα, τη τιμώση Σε Νήσω, Εικόνα Σου την
θείαν παρέσχες, καταλάμπουσαν ταύτην αυγαίς, Θεϊκαίς και σκότος το βαθύ
λύουσαν, πταισμάτων και παρέχουσαν, το φως τοις εκβοώσι ταύτα˙
Χαίρε χαράς σελασφόρου βρύσις
Χαίρε σειράς των πταισμάτων λύσις.
Χαίρε τω φωτί Σου την Νήσον αυγάζουσα
Χαίρε χάρισί Σου πιστούς σελαγίζουσα.
Χαίρε θείον ανατέλλουσα εν Κυθήροις φωτισμόν
Χαίρε άμπελος η φέρουσα Κυθηραίοις γλυκασμόν.
Χαίρε της προστασίας αετός χρυσοπτέρυξ
Χαίρε της σωτηρίας ο Θεότευκτος οίαξ.
Χαίρε Αστήρ αστέρων υπέρτερος
Χαίρε Φωστήρ φωστήρων λαμπρότερος.
Χαίρε ακτίς ανεσπέρου Ηλίου
Χαίρε ελπίς βιοτής αιωνίου˙
Χαίρε Άχραντε Δέσποινα.
Χάριν Θείαν Παρθένε, εφαπλοίς τοις εν πίστει,
προστρέχουσιν εις θείον Ναόν Σου, Μυρτιδίων ον χρεωστικώς, Κυθηραίων παίδες εις
τιμήν ήγειραν, και δόξαν Σου Πανάχραντε, βοώντες τω Θεώ συμφώνως˙
Αλληλούϊα.
Ψάλλοντές Σοι τον ύμνον, Σε Προστάτιν Κυθήρων,
κηρύττομεν αεί Θεοτόκε˙ μεμνημένοι δε Σου της φωνής, μακαρίζομέν Σε γενεαί
άπασαι, ανθρώπων των τιμώντων Σε συμφώνως εκβοώντες ταύτα˙
Χαίρε το Θαύμα το των θαυμάτων
Χαίρε το άσμα των ασμάτων.
Χαίρε Ορθοδόξων ευφρόσυνον άκουσμα
Χαίρε Κυθηραίων το θείον αγλάϊσμα.
Χαίρε ότι Εκλλησία Σε Κυθηραίων ευφημεί
Χαίρε ότι Κτίσις άπασα εκ βαθέων Σε υμνεί.
Χαίρε των Ασωμάτων το γλυκύμολπον άσμα
Χαίρε των αρωμάτων το ηδύπνοον κράμα.
Χαίρε το τερπνόν της Νήσου μελώδημα
Χαίρε κλεινόν Κυθήρων διάδημα.
Χαίρε Σοι γαρ κλίνει σύμπασα γόνυ
Χαίρε και γαρ χαίρειν πρέπει Σοι μόνη˙
Χαίρε Άχραντε
Δέσποινα.
Ώ Κυθήρων το κλέος, Θεοτόκε Παρθένε, και πάντων
Κυθηραίων Προστάτις˙ ευμενώς δεξαμένη τανύν, ον εκ πόθου ύμνον ταπεινώς φέρω
Σοι, της Βασιλείας δείξον κληρονόμον με, Θεού ώ ψάλλω˙
Αλληλούϊα.
Άγγελοι Ουρανόθεν, Κυθηραίων τε πλήθη, υμνούμέν Σε
Παρθένε Μαρία˙ συμπάσης γαρ ανάσσουσα γης, και των Ουρανίων την σεπτήν δέδωκας,
Εικόνα Σου ημίν ως εξ ευνοίας, Σοι βοώμεν όθεν˙
Χαίρε των πάντων ελπίς γλυκεία
Χαίρε του Κόσμου παντός Κυρία.
Χαίρε Ορθοδόξων το έξοχον σέμνωμα
Χαίρε Κυθηραίων το θείον ωράϊσμα.
Χαίρε ότι τους φιλούντάς Σε ανυψοίς προς Ουρανόν
Χαίρε ότι τους υμνούντάς Σε εκλυτρούσαι των δεινών.
Χαίρε των Κυθηραίων κραταιά προστασία
Χαίρε η των ενθέων δωρεών αφθονία.
Χαίρε πηγή θαυμάτων ακένωτος
Χαίρε πληγή δαιμόνων ανίατος.
Χαίρε αράς παντελής εξορία
Χαίρε χαράς αϊδίου αιτία˙
Χαίρε Άχραντε Δέσποινα.
Και πάλιν το Προοίμιον.
Ήχος πλ. δ’.
Τη των Κυθήρων Πολιούχω και Προστάτιδι
Δεύτε τον Ύμνον Κυθηραίοι, αναμέλψωμεν,
Την Εικόνα προσκυνούντες Αυτής εν πίστει,
Ήν μυρσίναις κεκρυμμένην απεκάλυψε
Ευλογία δι’ αυτής και παρέχουσα
Τοις κραυγάζουσι˙ Χαίρε Άχραντε Δέσποινα.
πηγή: orp.gr
Δεν υπάρχουν σχόλια:
Δημοσίευση σχολίου